ملف:إسلام الخطيب - 2018-03-09.jpg

• رسم: إسلام الخطيب
• مسار الاسترجاع: https://www.facebook.com/photo.php?fbid=1627968763954278&set=a.696173413800489&type=3&theater
• تاريخ النشر: 2018-03-09
• تاريخ الاسترجاع: 2019-03-10
• سياق: نشرت هذه الرسمة على خلفية مسيرة يوم المرأة العالمي في لبنان 2018
• تعليق الرسامة: "الاقتباسات حقيقية نتجت عن نقاشات فتت فيها انا ومجموعة من الصديقات من وقت الاعلان عن مسيرة "قضايانا متعددة، غضبنا واحد".

أعتقد إنه إضافة للتهميش الاقتصادي والقرف اللي عايشين فيه، في كمان تطنيش لقتل النساء الفلسطينيات وحماية المجرمين بمكاتب الفصائل العزيزة. وكمان في تطنيش لكل مطالب الفلسطينيات الخاصة واولها عدم اقصائهن من النقاشات المتعلقة بالحقوق المدنية والاقتصادية للفلسطينيين في لبنان. وكمان في سخرية على أي فلسطينية بتجرب تحكي عن مواضيع بتتعلق بالعنف الجنسي اللي بتتعرضله بالدوائر "التقدمية". المطلوب من الفلسطينية تناضل لفلسطين (طبعا مش براحتها يعني، في معايير) وبنفس الوقت تسكت عن كل القرف الذكوري لانه ابناء بلدها والبلد المستضيف عنصري وكمان لازم تجرب ما تطالب بحقوق بديهية لأن كمان هاد النضال مش الها، ولا لحدا فينا بالمبدأ يعني. فبالنسبة لالهم، الفلسطينيات عبارة عن ديكور لتزيين الخطابات "التقدمية" وصور على بوسترات منشيرها بالسنة مرة لان نحنا منحب النسوان!

بالملخص، نحنا مجبور علينا ننطحن بين ذكورية ابناء بلدنا وبين دولة معتبرتنا معتبرنا كلاب وبين احتلال لاعن انفاسنا كلنا وبين مساحات تقدمية كمان معتبرتنا زينة مثل زينة الكريسمس. والباقي على الله. فعشان هيك بصراحة انا نازلة الاحد لان خرا على كل حدا معتبر لاني فلسطينية ما رح طالب بحقوقي كامراة وخرا على كل واحد معتبر انه النضال النسوي مفصول عن النضال #الوطني وخرا على محمود عباس لانه احمر انسان بالكون وخرا على حالي لان كل مرة بسال حالي "ماذا عن اللاجئات الفلسطينيات" بدل ما اتشجع واشجع ناخد ونسترجع المساحات اللي لالنا من اللي سرقها مننا.

انتهى البيان. تعالوا الاحد الساعة 12 على مستديرة العدلية. مواه.

1. غضبنا_واحد
2. مسيرة_النساء"