منكم وفيكم

(2020)

تأليف	أكثر من شخص
تلحين	غير معيّن
مؤدية	أكثر من شخص
ألبوم	غني عن التعريف
اللغة	العربية
الدولة	فلسطين
ملف:منكم وفيكم.mp3

منكم وفيكم هو عمل فني غنائي أطلقته القوس للتعددية الجنسية والجندرية في المجتمع الفلسطيني ضمن مشروع غني عن التعريف، يقوم على توظيف أغاني تراثيّة شاميّة/ فلسطينيّة بهدف استكشافها كمساحة تعبّر عن تجارب ووجود المثليّات/ين ومتحوّلات/ين وثنائيّي/ات الميل الجنسي (بايسكشوال) وأشخاص يعيشون توجّهات جنسيّة وجندريّة مختلفة.

الأغنية الأولى: بيلبقلك شكّ الألماس

بيلبقلك شكّ الألماس هي الأغنيّة الافتتاحيّة في ميدلي "منكم وفيكم". بدأت كأغنيّة احتفاليّة في المناسبات والأعراس، وانتشرت بعد ذلك بشكل واسع لتكون واحدة من كلاسيكيّات التراث العربي الموسيقي. تتغزّل الأغنية الأصلية في العروس أو أي من كانت تغَنَّى لها، أمّا في "منكم وفيكم" فتغنّيها أُم فخورة لابنها (علي) الذي يميّزه تعبيره وشكله المختلف، بغضّ النظر عن ميوله الجنسيّة أو هويّته الجندريّة.

الكلمات

بيلبقلَك شك الألماس آه، يا علي

أخدوا ألماسك، يا ويل ويلي

شوفوا ابني يا عيوني، بِهالفستان

شوفوا عمال يتمايل، خدُّه رمّان

حبايب لا تلوموني، لومكم ما كان

بيغير حبي لوليدي، يا عيني عيني

بيلبقلَك شك الألماس آه، يا علي

أخدوا ألماسك، يا ويل ويلي

شوفوا ابني يا عيوني، ما في علة

شوفوا عمال يمتايل، شو هالطلة

حبايب لا تلوموني، ألف اسم الله

يقبر قلبي بيجنن، يا عين عيني

بيلبقلَك شك الألماس آه، يا علي

أخدوا ألماسك، يا ويل ويلي

الأغنية الثانية: مرمر زماني

مرمر زماني هي الأغنيّة الثانية في ميدلي "منكم وفيكم"، غنّاها الكثيرون في منطقة بلاد الشّام أشهرهم صباح فخري وفيروز حتّى وصلت وغُنّيَت في الخليج العربي. تتحدّث الأغنيّة عن مرارة العشق، وفي "منكم وفيكم" هذه المرارة نتيجة الضغط المجتمعي لفرض الزواج على فتاة ما يعرّض علاقتها مع حبيبتها للانهيار، إلا أنّها تختار تحدّي المرارة والبقاء مع حبيبتها حتى إذا حزن أهلها وأصحابها.

الكلمات

مرمر زماني، يا زماني مرمر

حُب الصبايا عبّق متل العنبر

مرت سألتني الخاتم لمين يا عيوني؟

لتكوني حبّيتي عليِّ يا مجنونة؟

قلتلها لابن عمي يا عمري خطبوني

عرفوا عنا والحكي عم يكتر

مرمر زماني، يا زماني مرمر

حب الصبايا عبّق متل العنبر

مرّت قالتلي عنك أبعدتيني

اختاري بعدي، يا إمّا بتختاريني

قلتلها دخيلك ما تروحي وتتركيني

بدونك قلبي دقاته بتتعتر

مرمر زماني، يا زماني مرمر

حب الصبايا عبّق متل العنبر

مرت وبعنيّ نطرت جوابي، جوابي

قلتلها معك لو زعلوا أهلي وصحابي

تعي ع قلبي، تعي زينة ع بوابي

عتبوا ما عتبوا، أصلا اشي ومقدر

مرمر زماني يا زماني مرمر

مرمرتني ما عاد فيّ تتمرمر

الأغنية الثالثة: يا ظريف الطول

يا ظريف الطول هي الأغنيّة الثالثة في ميدلي "منكم وفيكم"، من أشهر الأغاني الشعبيّة الفلسطينيّة التي تختلف الروايات حول أصلها وحول هويّة "ظريف الطول" التاريخيّة الحقيقيّة، إلّا أنّه من المتعارف عليه أن ظريف الطول ترمز للمقاوم الفلسطيني الذي تهجّر وتغرّب. في "منكم وفيكم"، يغنّي الحبيب ظريف الطول لحبيبه المغترب أو الذي ينوي على الهجرة، لتشكّل أهزوجة حُب مثليّة عن الوطن والانتماء والمقاومة.

الكلمات

يا ظريف الطول وقف تاقولّك

رايح عالغربة وبلادك أحسنلك

خايف يا ظريف تروح وتتملّك

وتعاشر الغير وتنساني أنا

يا ظريف الطول، أسمر ولطيف

غنولك كتير وغنوا عن التعريف

بس ما حدا عرفك زيي يا ظريف

بستنّاك أنا مية ألف سنة

يا ظريف الطول وقف تاقولّك

رايح عالغربة وبلادك أحسنلك

خايف يا ظريف تروح وتتملّك

وتعاشر الغير وتنساني أنا

يا ظريف الطول يا سن الضحوك

إيدك بمسكها قدام امك وأبوك

لو تقول أهلك عني أبعدوك

بنهرب بالليل ونعلن سرنا

يا ظريف الطول وقف تاقولّك

رايح عالغربة وبلادك أحسنلك

خايف يا ظريف تروح وتتملّك

وتعاشر الغير وتنساني أنا

الأغنية الرابعة: على دلعونا

على دلعونا هي ختام الميدلي الذي يحمل اسمه اقتباسًا منها (منكم وفيكم منضلنا هونا)، منتشرة على نطاق واسع في المنطقة وفي لبنان بالتحديد، ولها العشرات من النسخ المغنّاة بكلمات وتوزيعات مختلفة قديمًا وحديثًا. غنّوا على دلعونا للأرض وللزيتون وللحبيبة وللحبيب، وفي "منكم وفيكم" تغنّى لوجود الأشخاص الذين يعيش توجّهات جنسيّة وجندريّة مختلفة في فلسطين.

الكلمات

على دلعونا وعلى دلعونا

منكم وفيكم بنضلنا هونا

منضلنا هونا بلادك وبلادي

حنّوا علينا الوطن حنونا

منكم وفيكم، وبعدو الشارع

مش عارف إحنا فعل مضارع

ما زهق فينا، فينا يصارع

بدل ما يحارب اللي احتلونا

منكم وفيكم، يما ويا يابا

حرام نتشرد ونروح غرابا

حرام يروحوا من الأرض صحابا

في دفا دياركم والله خلونا

منكم وفيكم: اسأل المراية

طلطل ع روحك واسمع الحكاية

فيكم ما زلنا من البداية

كبرنا بوطننا مثل الزيتونا

على دلعونا وعلى دلعونا

منكم وفيكم بنضلنا هونا

منضلنا هونا بلادك وبلادي

حنّوا علينا الوطن حنونا

عن المشروع

انطلق غني عن التعريف عام 2013، بإصدار الألبوم الأوّل الذي يحوي مجموعة أغاني متنوّعة تحاكي مواضيع التعدديّة الجنسيّة والجندريّة، والجنسانيّة بشكلٍ عام. لاقت الأغاني منذ إذٍ حتّى الآن صدىً كبيرًا والكثير من الرّواج، حيث سمعها عشرات الآلاف من الفئات المختلفة وعلى منصّات متنوّعة.