استعرض مصدر وثيقة:عن العادة الجنسية AKA السرية

{{بيانات وثيقة
|نوع الوثيقة=مقالة رأي
|مؤلف=فرح مراد
|محرر=
|لغة=ar
|بالعربية=
|المصدر=مجلة شباك
|تاريخ النشر=2018-07
|تاريخ الاسترجاع=2018-27-10
|مسار الاسترجاع=https://www.shubbakmag.com/articles/47
|نسخة أرشيفية=
|هل ترجمة=لا
|مترجم=
|لغة الأصل=
|العنوان الأصلي=
|النص الأصلي=
|ملاحظة=نُشرت هذه المقالة في [[:تصنيف:العدد 2 من مجلة شباك|العدد 2 من مجلة شباك]] 
|قوالب فرعية=
}}
"أول مرة أعرف إن فيه حاجة اسمها عادة جنسية كانت وأنا عندي 21 سنة، كنت عارفة إني لما ألمس الجزء ده باحسّ بنوع من أنواع اللّذة بس مش عارفة ده يعني إيه ولا إيه بيحصل. "

قالت سهير محمد.

في 2016 كنت باشتغل في برنامج تيلفزيوني للتوعية بالصحة النفسية والجنسية، وكان في حلقة هانشتغل عن العادة السرية، ساعتها الدكتورة اللي أنا شغالة معاها زعقت لي جامد وقالت لي اسمها العادة الجنسية، هي مش فعل سيّء الناس تستخبّى منه ويتسمّى بالسرية.

وأنا بادوّر على المعلومات عشان الحلقة لقيت إن العادة الجنسية ليها أضرار كتير، أحياناً بتوصّل للموت وأوقات بتسبّب العمى، والحقيقة أنا درست طب ست سنين عمري ما سمعت عن حاجة زي دي.

للأسف كل المحتوى العربي الموجود مليان معلومات مغلوطة، مش بس كده لو انت من سوء حظك ماكنتش بتعرف إنجليزي فللأسف هتكون معرّض للضلالات دي.

من المعلومات مثلاً اللي أنا لاقيتها إنه من أضرار العادة الجنسية الآتي:

# يؤدّي إلى تورُّم القضيب
: ده مش حقيقي، تورُّم القضيب ده ممكن يكون بسبب عدوى، لكن الإمتاع الذاتي (العادة الجنسية) مالوش أي علاقة بتورُّم القضيب.
# ضعف النظر
: مفيش أي علاقة لا قريبة ولا بعيدة بين النظر والجهاز التناسلي في الأنثى أو الذكر، لو ده صح كان زمان الناس ماشية تقول في الشارع على كل واحد/ة أعمى/عميا أو لابس/ة نضارة إنه ده بسبب  ممارسة العادة الجنسية.
# خشونة الركبة
: سبب خشونة الركبة هو تآكل السائل الزلالي الموجود في المفاصل، فبيزيد الاحتكاك بين العضم، طبعاً ده مالوش أي علاقة بالعادة الجنسية.
# البرود الجنسي
: قريت على موقع من اللامؤاخذة بيقول إن الستات لما بتمارس العادة الجنسية بيجيلها برود جنسي، الختان هو اللي بيجيب برود جنسي مش العادة الجنسية خالص.
# عدم القدرة على النوم
: ده برضو معلومة مغلوطة، ممارسة العادة الجنسية بتساعد الأشخاص على الاسترخاء فبيعرفوا يناموا كويس ولساعات طويلة مش نوم متقطّع.
# العقم
: الإمتاع الذاتي مالوش أي علاقة بالعقم، بالعكس بيحكي بعض الشركاء إنهم بيحبوا شركائهم يمارسوا العادة الجنسية قدامهم وبيستمتعوا جداً بالعلاقة الجنسية بعدها، وبيحملوا عادي جداً لو هما عايزين ده.

للأسف الأشخاص اللي بيدوّروا في المحتوى العربي بيعانوا من اضطرابات نفسية كتير، سببها المحتوى نفسه، كوني بامارس فعل معيّن وكل المعلومات دي موجودة عنّه وأنا مصدّقاها عشان ماعنديش مصدر تاني بيقول معلومات صحيحة، وطبعاً ده غير التحريم والأساطير الكتيرة حوالين ممارسة العادة الجنسية الموجودة في كل الأديان.

دول كانوا أشهر الحاجات اللي قريتها، لقيت طبعاً حاجات كتير تانية وبرضو غلط، بس دول الأشهر على الإطلاق.

بس قبل ما تمارس/ي العادة الجنسية فيه 5 حاجات لازم تاخد/ي بالك منهم:

* أول حاجة لازم تكون/ي بتعتني بنظافتك الشخصية بشكل كويس.
* لازم إيديك/ي تكون مغسولة كويس جداً.
* لو هتستخدم/ي لعب جنسية أثناء الاستمتاع الذاتي، لازم تكون اللعب دي بتاعتك انت/ي بس، ولازم برضو تكون نضيفة.
* مهم تاخد/ي شاور بعد ما تخلص/ي.
* اختار/ي مكان كويس وهادي ومريح ومتعملهاش بعنف، ومن أجل استمتاع أكتر استخدم/ي مُزلق حميمي.

بس خد/ي بالك، لو أكلت بطاطس محمرة كتير كل يوم بكمية كبيرة هتتخن/ي، ولو مارست العادة الجنسية كتير ممكن تتحول لإدمان.

يعني إيه الكلام ده؟

يعني الاحتياجات الجنسية مهم إشباعها، بس الإسراف في الإشباع مضرّ.