قولوا لأبوها
اذهب إلى التنقل
اذهب إلى البحث
| |
|---|---|
| تأليف | بنت المصاروة |
| تلحين | بنت المصاروة |
| مؤدية | بنت المصاروة
|
| اللغة | العربية |
| الدولة | مصر
|
قولوا لأبوها ابكي على الوكسة
مكسورة بإيدك والدموع ع الفَرشة
قولوا لأبوها ضحكوا عليك ضحكوا
لا شرفها بين رجليها
ولا بيحكوا
قولوا لأبوها مهيش سلعة تتباع
دبحوا الدبايح والنواح ينزاع
قولوا لأبوها إن كان قلقان يرتاح
مهيش كالون مستنية المفتاح
قولوا لأبوها دي البنات موجوعة
شايلة الوجيعة والرؤوس مرفوعة
قولوا لأبوها إن كان قاعد يتمشَّى
يحمي الصبايا من فيران العِشَّة
قولوا لأبوها إن كان تعبان يريَّح
بنت المَصَاروة أصلب م المِسَلَّح
روحوا لأبوها وانزلوله الخيمة
مش بالتحكم راح تزول الغيمة
قولوا لأبوها ابكي على الوكسة
مكسورة بإيدك والدموع ع الفَرشَة
قولوا لأبوها ضحكوا عليك ضحكوا
لا شرفها بين رجليها... ولا بيحكوا