استعرض مصدر المتحرش مجرم

يعتبر [[التحرش الجنسي]] – سواء كان عن طريق الكلام، أو الإشارة، أو الأفعال – جريمة يعاقب عليها القانون المصري عقوبة ممكن توصل لـ ٥ سنين سجن.

 

مع ذلك، لسة معظم الناس (٨٥ ٪ من الناس وفقا لدراسة عملتها هيئة الامم المتحدة للمرأة) بيقفوا في صف المتحرش، وبيلوموا المتحرش بها وما بياخدوش موقف إيجابي للتدخل، وبالتالي يفلت المتحرش من العقوبة وده نتيجته إن المجتمع بقى شايف إن التحرش شيء عادي.

المتحرش مجرم هو عنوان حملة بتؤكد على إن التحرش هو بالفعل جريمة، وهدفها دفع الناس للتصدي للتحرش الجنسي لو شافوه بيحصل قدامهم، وده هيتيح لنا بناء مجتمع غير متقبل التحرش وبيعاقب المتحرش.
احنا بنطلب منكم:
إنكم ما تتقبلوش أبدا أي شكل من أشكال التحرش الجنسي؛ سواء كان بالكلام، بالإشارة، أو بالأفعال
إنكم تعرفوا إن التحرش الجنسي هو جريمة بيعاقب عليها القانون المصري
إنكم تبلغوا الشرطة عن جرايم التحرش
 

إنكم تتدخلوا بأي شكل من الأشكال لما تشوفوا جريمة تحرش بتحصل قدامكم:

[[ملف:المتحرش مجرم 01.png|تصغير|يسار|من [[:تصنيف:ملصقات حملة "المتحرش مجرم" |حملة "المتحرش مجرم"]]]]
# لو انت في مكان زحمة وشفت حد بيحاول يتحرش، اقف في النص عشان تعزلهم (أو تفصل بينهم)
# لو قلقان من التدخل، نادي على حد يساعد
# قول للمتحرش “اللي بتعمله ده مش مقبول هنا وأحسنلك تمشي”
# خد المتحرش على جنب وقول له "عيب اللي بتعمله ده"
# زعق في وش المتحرش وقول له "اللي بتعمله ده ما ينفعش"
# اعرض موافقتك على الشهادة في القسم
# حاول تشتيت المتحرش بسؤاله عن الوقت أو الاتجاهات
# صور المتحرش لو عرفت وافضحه
# اسألي المتحرش بها لو محتاجة مساعدة
# بلغ إدارة المكان لو شفت أو اتعرضت لتحرش من أحد الموجودين


طالع ملصقات الحملة في [[:تصنيف:ملصقات حملة "المتحرش مجرم"]]

[[تصنيف:حملة "المتحرش مجرم"]]
[[تصنيف:حملات]]