350
تعديل
تغييرات
اذهب إلى التنقل
اذهب إلى البحث
سطر 423:
سطر 423: − + + + + + + + + + + + + + + + + + + + + + + + + + + + + + + + + + + + + + + + + + + + + +
مشروع:معتكف ويكي الجندر الخامس في القاهرة - مايو 2019/توثيق جلسات المعتكف (اعرض المصدر)
مراجعة 19:40، 11 يونيو 2019
، قبل 4 سنوات←الجلسة الثالثة: إضافة محتوى الجلسة
===الجلسة الثالثة===
===الجلسة الثالثة===
توثيق:
توثيق: سلمى
طلبت علا من وأحمد وفرح عمل عرض تقديمي عن الويكي منذ البداية حتى يوم المعتكف، ومن آية الحديث عن ويكي لبنان وتونس.
*أحمد:
ديسمبر ٢٠١٥، جوته كلم أضف وطلب منه عمل موقهةيضم المنظمات التي تهتم بحقوق المرأة وبالفعل تم عمل دليل للمنظمات بالفعل وموجود على موقع أضف وعلى ويكي الجندر.
في مارس ٢٠١٦ تم أول اجتماع، عرض للويكي وشرح الناس ايه اللي هتقدم الويكي.
وفي سبتمبر ٢٠١٦ أحمد كلم فرح عشان تمسك المشروع ومسكته بالفعل بدل من البنتين المسيرات بتوع جوته، وأول تمويل للمشروع كان بين أضف وجوته.
*فرح:
في أكتوبر ٢٠١٦ أول ما دخلت كان جوته مش بيعتبر نفسه ممول وبس، هو بيعتبر المشروع بتاعه، طبعاً جوته تمويله من وزارة الخارجية الألمانية.
هما طلبوا منصة، بس هما مش فاهمين في الويكي أوي، الدور اللي بعمله ليه طابع سياسي، بحكم اني مش موظفة في جوته ولا في أضف وفي نفس الوقت هما قالوا منصة، الدور كله كان سياسة.
جوته قرر أنه لازم يعمل إطلاق للموقع وإلا ممكن مياخدش تمويل السنة الجاية، وكان الشغل متوزع بيني وبين علا أبو الشلاشل، فكرنا لازم نعمل معتكف ندرب فيه الناس ومكنتش فاهمه اوي الشغل دا في البداية.
وعملنا فعلا معتكف وفتحت دانا ملف الشتائم الجنسية وعلا اشتغلت على الأفلام وطلعنا من المعتكف بلوجو للويكي.
الناس اللي شاركت في المعتكف ده كانت معزومة وفي ناس طنشت الدعوة ومحضرتش، مكانش لسه في سياسة لضم الأعضاء على الويكي.
أنا وعلا مكناش عارفين في بادجيت ولا لأ وعملنا حفل الإطلاق ومكانش في محتوى.
بعدها عدى ٦ شهور، لا جوته كلمني ولا كلم علا ولا حد قال أي حاجة، لحد علا ما زفت الموضوع شوية وبدأنا نعمل اجتماعات تحريرية على الويكي أنا وعلا للناس اللي لسه مهتمة، أعداد الناس بدأت تقل، لحد ما أنا وعلا قررنا أنه لازم نعمل تدريب، سألنا جوته إذا كان في ميزانية ولا لأ وقال فيه وبدأنا نجهز للتدريب.
علا مشيت يوم التدريب، كان لازم أشيل كل حاجة كنت فعلا one man show ، طلبت أنا وأحمد من مروة من اختيار مساعدة لأنها كانت عندها خبرة.
في أغسطس ٢٠١٧ عملنا المعتكف، علا كانت اختفت وآية كل يوم من بعد التدريب بتشتغل على الويكي، كان قدامي خيارين يا أكمل يا أقع، بعدها الناس فضلت تمشي من الويكي بس آية فضلت مهتمة.
بعدها بأسبوع جوته كلموني قالولي في ميزانية لازم تتصرف، بعدها فكرت أقسم الفلوس على الناس اللي انضمت في المعتكف، قسمتها بين ترجمة وكتابة محتوى.
آية كانت أكتر واحدة بتشتغل وبالفعل عطتها اكتر عدد ساعات شغل، كان في ميزانية ٣ شهور بس لغاية آخر السنة.
السنة الجديدة اللي هيا ٢٠١٨ روحت لجوته وقولتلهم لازم ميزانية، وبعدها كملت تواصل مع الناس مين اللي عايز يكمل في عدد الساعات أو يزود، كان في بنود كتير في الميزانية لازم أصرفها وفي نفس الوقت كان في فلوس زيادة.
*آية:
في البداية كنت بكتب بس، ساعدتني فرح وأحمد وبدأت اعمل قائمة بالشغل اللي أنا عايزاه، كانت فترة مكثفة.
لغاية اول ٢٠١٨، كنت بشوف الويكي محتاجة إيه وأضيفه.
في نوفمبر ٢٠١٨ روحت بيروت وعملنا تدريب على القوالب والفهارس اللي هي أصلا تقنيات صعبة، وبعدها بشهر فرح وأحمد راحوا.
من خلال مراقبتي لاهتمامات الأشخاص عملت thread بين مجموعة مصر ومجموعة بيروت وعملوا شغل كتير جداً.
السنة دي في مارس ٢٠١٩ روحت أنا وفاطمة، وكان الهدف الأساسي الشغل على القوالب عشان نحفز الناس والهدف التاني وهو أن الويكي مشروع إقليمي الستات بتكتب فيه من كذا حتة مش من مكان واحد.
قبل المعتكف تواصلت واحدة من المهتمات معايا على مبادرة على اكونت تويتر، حدث في مثل هذا اليوم وبالفعل عملنا وانضم من مصر أنا وعمر وفاطمة.
خلال المعتكف اتكلمنا عن الفكرة كتير وطورناها وكمان اتكلمنا عن نقرأ من الويكي وفكروا كمان هما في عروض لأفلام.
*سألت علا عن ال Funding
*ردت فرح : فيه فلوس السنة الجاية بس اللي بعدها مفيش.
*فرح:
من وقت ما آية دخلت في تدريب ٢٠١٧ وهي كانت بتشتغل باهتمام، في معتكف ٢٠١٨ ده انضمت فيه مارينا للفريق.
كان في خطة في 2017 Wiki will go regional، بس أنا رفضت وقولتلهم مستحيل، مكانش في اصلا محتوى على الويكي عشان نطلع بيه.
حاولت أجل السفر لغاية ٢٠١٨ وبالفعل أجلته لغاية النص التاني.
سافرنا بعد ما قررنا أن احنا مش هنروح عشان نعمل عرض للويكي وخلاص، ظبطت مع ورشة المعارف وبالفعل أحمد كان في لبنان عشان خبز ونت وعملنا التدريب.
في تونس أنا كنت رافضة نعمل التدريب، وكنت بالفعل هناك عشان تشويش بس قولت لآية أنا واخدة الأيام دي إجازة، وآية عملت التدريب هناك لوحدها في ديسمبر ٢٠١٨.
أما بالنسبة ل ٢٠١٩ فجوته طلب خطة للميزانية، من اول السنة لغاية شهر مارس وأنا في استجواب لأن يوهانا المديرة مشيت.
جات الميزانية في أبريل، فكرنا أنا وآية أن موضوع الكتابة اتحول لعبأ، قررنا أن أي مجهود تحريري مش هيتصرف فيه أي فلوس بعد تواصل مع الأعضاء.
في بعض العضوات قالت عايزة اشتغل بشكل تطوعي، ما عدا نقرأ من الويكي، مارينا قالت هتمسكه وفعلا طلعت فلوس من الميزانية ليه.
*آية:
وبخصوص سفر فاطمة لبيروت، بعد اجتماع مع فرح وأحمد، وضحلنا أن لازم نشوف حد لأن في مسؤوليات جديدة، حد يتعلم إزاي يعمل علاقات مع الممولين وأنا كنت شايفة أن فاطمة أكتر حد مؤهل لده.
*فرح:
التعامل مع الممولين وكتابة المشروعات وضغط التعامل مع ٥ منسقين، جوته غيروا عليا ٥ منسقين لغاية دلوقتى.
أنا قولت لدانا إني عايزة الفلوس تكون General fund وإني مستحيل اخد فلوس السنة الجاية من غير ما اكتب الخطة معاكي، وأن لازم تنناقش بخصوص مواعيد الايفتات، لأن مثلا هما اعترضوا على ميعاد نقرأ من الويكي
ليه لازم احط معاها الخطة؟ لأن مثلا نقرأ من الويكي مش موجود في الميزانية وأنا بحاول أطلع ده بالعافية كده منها.
وانتهت الجلسة.
===الجلسة الرابعة===
===الجلسة الرابعة===