تسلم إيديكي سعاد، مجهود محمس!
لسة ماخلصتش مراجعة للمقالة بس دي شوية ملاحظات تحريرية فكري معايا فيها وقوليلي رأيك:
- المقدمة: بافكر إنه منطقي في مقدمة صفحات القضايا نكون بنحكي عن القضية نفسها مش عن صاحبتها؛ فبدل ما ابدأ الصفحة "بمها المطيري هي عابرة جنسيًا...." أقول "إعتقال مها المطيري قضية إعتقال لمها المطيري، عابرة جنسيا من الكويت...."
- الوصلات الخارجية والمصادر: حسيتك شوية متلغبطة في الفرق بين الوصلات الخارجية والمصادر.. كنا حكينا شوية بس خليني أجرب أفكر معاكي في الفرق وجايز نكتبها في السياسات لكل المجموعة... الوصلات الخارجية (الهايبر لينك) دي لما نكون بنحكي عن: كتاب أو فيلم أو فيديو أو مقالة أو بيان إلخ وعايزين نسهل على الناس الوصول ليها فبنعملها وصلة.. أم المصدر فهو "مصدر المعلومة".. فاللي عايزة تعرف المحررة جابت المعلومة منين تروح للرابط.. إيه رأيك؟ حاسة واضح الفرق ولا لا؟
- مكان المصادر: على الأغلب المصادر بتكون في آخر المعلومة.. بمعنى إنه مش "اختفت[1] مها المطيري بعد.." بل "اختفت مها المطيري بعد نشرها الفيديو[1]
- طريقة كتابة المصادر: بيكون مهم كتابة تاريخ نشر المصدر؛ فنكتب تغريدة لويكي الجندر؛ 15-09-2020
- الاسم الأول والأخير: في الإنجليزي على الأغلب بيستخدموا الاسم الأخير للإشارة للأشخاص؛ بس كنت بافكر ليه نعمل كدا في العربي؟ فليه مانقولش "وحكت مها" بدل "وحكت المطيري" ... بالنسبالي مفيش سبب إني احكي عنها باسمها الأخير..
- إضافة وثائق: على الأغلب وأنا شغالة على قضية ما لو لقيت إني قابلت وثيقة معنية بالموضوع وحسيت مهم نضيفها في تصنيف القضية برفع نسخة ليها على الويكي.. فمثلا كان فيه إشارة للمادة 198 فروحت دورت عليها ورفعتها وعملتلها وصلة في الصفحة