وثيقة:الكاندوم وسنينه
محتوى متن هذه الصفحة مجلوب من مصدر خارجي و محفوظ طبق الأصل لغرض الأرشيف، و ربما يكون قد أجري عليه تنسيق و/أو ضُمِّنَت فيه روابط وِب، بما لا يغيّر مضمونه، و ذلك وفق سياسة التحرير.
تفاصيل بيانات المَصْدَر و التأليف مبيّنة فيما يلي.
| تأليف | احذري الإيدز يا أختاه |
|---|---|
| تحرير | غير معيّن |
| المصدر | مجلة شباك |
| اللغة | العربية |
| تاريخ النشر | |
| مسار الاسترجاع | https://www.shubbakmag.com/articles/41
|
| تاريخ الاسترجاع |
|
نُشرت هذه المقالة في العدد 2 من مجلة شباك
قد توجد وثائق أخرى مصدرها مجلة شباك
الكاندوم أو الواقي تاني أسهل وأرخص حل عشان تحمي نفسك من الأمراض المنقولة جنسياً لأن في المركز الأول هو الامتناع عن ممارسة الجنس، آه مفيش سكس مفيش أمراض. بس مينفعش ميكونش فيه ممارسة جنسية!! يبقي الكاندوم هو الحل. عشان كده قرّرنا نعمل لقاء مع الكاندوم عشان نعرف عنه أكتر ونفهمه.
كاندوم.. كلّمنا عنك وعرّف نفسك للناس اللي لسه متعرفكش!
انا اسمي كاندوم، و ليّ أسماء تانية زي واقي وتوبس. باشتغل في الحماية، آه يا فندم.. باحمي الطرفين وقت العلاقة الحميمية من الأمراض اللي بتتنقل عن طريق الجنس و باحمي من العيال كميزة إضافيّة. آه يعني لو فيه اتنين باشتغل معاهم بيكون دوري إني أمنع الأطفال من إنهم يتدخلوا في حياتهم و انا بعرف أعمل كده كويس جداً الحمدلله، أنا نتيجتي مضمونة أكتر من وسائل منع الحمل التانية. ده مش غرور ده فخر، الحق يتقال مش أكتر منهم كلهم بس بانفع برضو.
حضرتك بتؤدّي وظيفتك إزاي؟
أنا سعيد إنِّك سألتي السؤال ده، أنا بتطلّعوني من الكيس، تمسكوني من فوق ويا ريت تحدّدوا الاتجاه صح عشان فيه ناس بتسخدمني اللي جوة برة واللي برة جوة و الموضوع بيلخبط جداً.. المهم تمسكوني من فوق، تفضّوا الهوا خالص و تلبسوني. ليه بقي تفضّوا الهوا؟ عشان لو فيه هوا جوة بيعمل فراغ ومع الحركة باتقطع.
بس فيه كلام بيقول إنك لما أوقات بتدخل في العلاقة بتبوّظ موود حد فيهم!
سمعت الكلام ده قبل كده، إنّهم بيقولوا باقلّل المتعة، مبيحصلش.. آه مبيحصلش، مفيش مرة كنت فيها في كلام وحد قال كده واللي بيقول كده مش بيكون عايزني عشان مش عايزني مش أكتر. طيب بصوا عليا كده ده أنا أرفع من الفتلة! هاجي أنا وأبوظ موود الناس، ده تهريج. و الناس التانية اللي بتقول عليا ضيّق.. لا على فكرة بقى فيه مني مقاسات كتير وطعم وريحة وكل اللي يحبّه القلب بس انتو اللي بتكسلوا! صدقيني ما عارفين مصلحتهم، متعرفيش ده جهل ولا غباء بعيد عنّك.
تحب تضيف حاجة في الآخر؟
أنا بس عايز أقول.. إني خير رفيق. ودايماً خلوني في المحفظة واللي مجرّبني عارفني باشتغل في أي وقت، الخميس بالليل، الجمعة الصبح، حتى لو يوم تلات الضهر هاشتغل معاك.