استعرض مصدر وثيقة:المتحرشون يخرجون أعضائهم التناسلية للفتيات فى المنصورة شهادات جديدة و تحليلات

{{بيانات وثيقة
|نوع الوثيقة=تدوينة 
|مؤلف=جيمي هود
|محرر=
|لغة=ar
|بالعربية=
|المصدر=جيمي هود
|تاريخ النشر=2006-28-10
|تاريخ الاسترجاع=2018-08-10
|مسار الاسترجاع=http://www.gemyhood.com/2006/10/blog-post_28.html
|نسخة أرشيفية=http://archive.is/T7oy2
|هل ترجمة=
|مترجم=
|لغة الأصل=
|العنوان الأصلي=
|النص الأصلي=
|ملاحظة=نشرت هذه التدوينة عقب [[حادثة السعار الجنسي]] في 2006. 
|قوالب فرعية=
}}



[[ملف:حاربوا السعار الجنسي - سيزر ديابلو.jpg|تصغير|مركز|بوستر '''حاربوا السعار الجنسي''' من تصميم  سيزر ديابلو]]

بعد نشر [[وثيقة:أندلاع ثورة الهياج الجنسى بشوارع وسط البلد | الاحداث السابقة]] عن التحرشات الجنسيه بالفتيات فى وسط البلد ارتفعت حدة المطالبة بعدم السكوت على تلك الممارسات الشاذة و معها أيضا ثارت الكثير من الفتيات مدافعين عن حقهم فى شارع أمن خالى من [[تحرش جنسي | التحرشات الجنسية]] المنتهكة لحريتهم و أنسانيتهم بعد كتابتى و كتابة الزملاء عن الموضوع ارسلت لى صديقة من المنصورة رسالة ترجونى محادثتها تليفونيا بخصوص الموضوع سابق الذكر و تم الاتصال لتسترسل فى الحكى كالتالى و الكلام على لسان الصديقة
<blockquote>
خرجت ثانى أيام العيد بوسط البلد فى المنصورة ضايقنى المعاكسات الشديدة من الشباب و هذا أمر عادى يحدث يوميا لكل فتاة تقريبا و قد يتطور الامر الى الملامسة بالايدى اما ما حدث لى لا أتصوره على الاطلاق ان يحدث مع أى فتاة و خصوصا فى الشارع فأثناء رجوعى للمنزل انا و صديقتى بعد زهقنا من الخروج من جراء المعاكسات المستمرة بالالفاظ النابية كنا نمر فى شارع مرور المارة فيه خفيف لانه شارع جانبى وسط المنازل و كان يأتى من أمامنا شاب فى العشرينات من العمر عندما أقترب منا فوجئت بأنه فاتح سوسته بنطلونه و مخرج [[قضيب | عضوه الذكرى]] خارج البنطلون و يحاول أثارتنا بتحريكه بيده صرخت صديقتى و انا صرخت بدورى فقال خائفا متخافوش متخافوش
مش هاعملكوا حاجة و لا هالمسكوا أتفرجوا بس و انا هانبسط بده جرينا و انا و صاحبتى , من الصدمة مش قادرين حتى نشتمه 
</blockquote> 

و لما سألتها ليه ما قولتوش لحد من الشارع لما خرجتوا منه مثلا علشان يجروا وراه قالت كنا خايفين دة اولا و كمان خايفين
لحسن نروح القسم و نشهد و كدة لو مسكوه و هايكون شكلنا ساعتها وحش قدام البيت

ودعتها على وعد بتسجيل شهادتها صوتيا و ارسالها لى على ان انشرها و ارسلها ل[[مركز حقوق المرأة]] الذين يهتموا بتلك الشهادات عن التحرش بالفتيات. 

---

أعادت تلك القصة روايه أحدى قريباتى منذ سنة عن أثناء سفرها لقرية من قرى المنوفيه لزيارة صديقة لها انها فوجئت بنفس المنظر وسط الزراعات لشاب تمركز فى مكانه حتى تراه و هي ماره فى طريقها لمنزل صديقتها فأخذ مكانه بين الزراعات على طرف الطريق مخرجا عضوه الذكرى ملوحا لها به فى زهو و كان رد الفعل لقريبتى هوه رد فعل صديقتى بالجرى هروبا من ذلك المنظر. 

--- 

شهادة أخرى تم أرسالها لى بالبريد من صديق من محافظة طنطا كان فى زيارة للقاهرة للتنزه فى ثالث أيام العيد و هذه شهادته أنشرها كما هى
<blockquote>
انا كنت ماشى انا ومحمد سمير فى امان الله وفجاة لاقيت فى ناس بتجرى قولت لمحمد هو فى ايه العيال دى اتجننت ولا ايه ذهبت الى المكان اللى الناس بتجرى عليه انا قولت فى عقل بالى ان فى ممثل شهير ولا حاجة لاقيت الناس دى بيقفشوا فى بنت حتى قطعوا البدى بتعها وهى لا حول لها ولا قوة وفجأة لاقيت الجرابيج طالعة من المحلات بشكل غير عادى والناس دى كانت كتيييييييييييييييييير اوى ولاقيت ناس تانية متوجهة الى 3 ضحايا بس كانوا لابسين الشفتيشى والقصير كانوا يعجبوا الباشا بجد يعنى اتلموا عليهم كالعادة وفجأه لاقيت اجمد بنت فيهم مرفوعة لفوق من تحت يعنى وكانت ظيطة بقى انا شفت المنظر قولت لمحمد شفت قلة الأدب الغير متناهيه وسمعت البنات دى بتستغيث بأى احد وتقول بصويت الحقونا هو فى ايييييييييييييييييييه ولاقيت اللى بيقفش واللى بيفرش واللى بيدعك واللى عايز يبوسها حاجة مسخره كانت الدنيا زحمه نيييييييييك والسيارات واقفة وفجأة لاقيت قلة الأدب اشتغلت على العربيات كمان اللى فيها بنات لدرجة ان البنت اللى كانت سايقه العربية خافت وقفلت العربية مسوجر وزجاج مش يسبوها بقى لألألألألألألألأ دول شالو العربيه والبت فيها أحة يعنى ولاقيت السينمات كلها وكر للدعارة كل واحد معاه بنت حططها تحت جناحه وبيقفش فيها لحد ما يشوف زملاؤه يقطعوا التذاكر وفضلت مراقب الواد دة لحد ماقللى فى حاجة يا كابتن قولت لا كانت اخخخخخخخخخخخخخخخر مسخره والله يا جيمى انا لا قيت المنظر كده قولت لمحمد سمير يلا نروح او نروح الحسين ذهبنا الى الحسين. محمد فودة - طنطا، أحد المتنزهين ثالث يوم العيد فى شوارع وسط البلد
</blockquote>

---

كما [[وثيقة:بعد أحداث التحرش الجنسي بالستات – فضفضة | قامت أحد المدونات بحكاية]] أحداث تحرش سابق بها فى بوست يعد بدايه لثورة الفتيات و حكاياتهم عن التحرش. 

---

بنت سعد مدونة أسلامية معتدلة من حزب الوسط قامت [http://archive.is/RbIIQ  بكتابه تحليل رائع للموضوع] يعتبر من أكثر التحليلات واقعيه و أعتدالا عن هذا الموضوع.

--- 


أخيرا أرسلت أحدى الصديقات رساله عبر الايميل نصها كالتالى
<blockquote> 
ما كنتش مصدقة الكلام اللى انت نشرته على مدونتك الا لما جاتنى رسالة على الموبيل من واحدة صاحبتى بتقولى ما تنزليش وسط البلد علشان البنات بتتبهدل و الولاد مش راحمين حد. 
</blockquote> 

---
أظن واضح أن السكوت ما عدش ليه فايدة و أظن ان ما فيش حد دلوقت يقدر يقول دول شويه مدونيين كانوا خارجين مع بعض و قرروا يعملوا ضجة يا ريت كل البنات فعلا ما تسكتش لان بعد اللى حصل فاضل خطوه واحدة بس على اعتبار ان [[الاغتصاب]] أمر عادى جدا و ممكن يحصل لاى واحدة. 

---

الكلب الحكومى الصحفى عبد سيده الكلب كرم جبر، يشكك فى مصداقيتنا فى نقل الحدث متهمنا بالكذب و متهما وائل عباس على وجهه الخصوص و الجدير بالضحك انه اخذ كلامى فى التدوينة السابقة و نسبه لوائل عباس مما يدل على غبائه الصحفى. 
[[ملف:جنس عشوائي في وسط البلد.jpg||تصغير|مركز|مقال '''جنس عشوائي في وسط البلد.'''']]

يا خادم الفرعون و عبد احساناته

سوف اسعد و رقبتك معلقة على نقابة الصحافيين

بعد نزول ولى نعمتك من الحكم فى مصائر شعب مصر

[[تصنيف:حادثة السعار الجنسي]]