شمس يوم جديد
| |
|---|---|
| تأليف | نسمة الشاذلي |
| تلحين | ساري هاني |
| مؤدية | منة حسين و هاني الدقاق
|
| اللغة | العربية |
| الدولة | مصر
|
أغنية شمس يوم جديد هي أغنية فيلم مريم والشمس وتحكي قصة نجاح مريم، فتاة من صعيد مصر ورحلتها التي تخللها تحدي الكثير من الظروف وتأثرت بمواقف الأسرة و المجتمع. أطلق الفيلم في ديسمبر بالتزامن مع الحملة الدولية لمناهضة العنف ضد المرأة(حملة 16 يوم) وذلك بتعاون بين المجلس القومي للمرأة وهيئة الأمم المتحدة لشؤون المرأة.
كلمات الأغنية
شمس يوم جديد كل صبح بتيجي
أمشي ورا ضيّها ينوّرلي طريقي
مهما حاولوا يحرموني أو يمنعوني
هفضل ماشية مهما حاولوا يرجعوني
حقي أعرف معاني حاجات كتير
أفهم ألوف من الحروف والمواويل
كراسة وقلم ومريلة وشنطة
وأم تانية في مدرسة بقولها يا أبلة
فهموني يعني إيه العلم نور
علموني أكتب وأقرا السطور
شمس يوم جديد كل نهار بتوطي
تقولي كملي وإوعي ف يوم تهدّي
مهما يحاولوا يمنعوني او يجبروني
هفضل مكملة في طريقي مهما لاموني
حقنا نعرف معاني حاجات كتير
نفهم ألوف من الحروف والمواويل
كراسة وقلم ومريلة وشنطة
وأم تانية في مدرسة بقولها يا أبلة
عرفوني إزاي أكمل المشوار
مهما كان صعب ومهما طال