وثيقة:نص شهادة دعاء فتفت واتهامها تميم يونس بالتحرش الجنسي
محتوى متن هذه الصفحة مجلوب من مصدر خارجي و محفوظ طبق الأصل لغرض الأرشيف، و ربما يكون قد أجري عليه تنسيق و/أو ضُمِّنَت فيه روابط وِب، بما لا يغيّر مضمونه، و ذلك وفق سياسة التحرير.
تفاصيل بيانات المَصْدَر و التأليف مبيّنة فيما يلي.
| تأليف | دعاء فتفت |
|---|---|
| تحرير | غير معيّن |
| المصدر | صفحة دعاء فتفت على فيسبوك |
| اللغة | العربية |
| تاريخ النشر | |
| مسار الاسترجاع | https://www.facebook.com/doua.fatfat/posts/10156752404861179
|
| تاريخ الاسترجاع | |
| نسخة أرشيفية | http://archive.is/iCbio
|
شهادة دعاء فتفت واتهامها تميم يونس بالتحرش الجنسي على خلفية إنتاجه ونشر أغنية سالمونيلا؛ طالعوا كذلك: وثيقة:نص شهادة عايدة الكاشف واتهامها تميم يونس بالتحرش الجنسي
أنا مش هدخل في نقاش الأغنية دي مقصود بيها إيه ولا في نقاش الحرية الإبداعية. أنا هاتكلم في ازاي ممكن شخص أصلاً متحرش ،أصلاً ما بيعرفش يتعامل مع الرفض بشكل ناضج، وأصلاً لا يهمه الذكورية ولا النسوية بأي شكل ممكن يعمل أغنية عن الحاجات دي.
تميم كان مخرج إعلان أنا كنت عليه assistant producer، وانا بوريه model options راح ماسح ايده على ضهري كدة بخفة. بصتله بصة إستغراب فضحك وقعد بقى يهزر على أد ايه أنا بفشخه واد إيه ردود فعلي كركركر خالص. وبعدين حكالي عن مرة عدا ايده على رجل client ست في إجتماع PPM، وكان مضحك أوي بالنسباله إن هي معملتش حاجة وإنه قدر يروش ترويشة التحرش بتاعته من غير عواقب. ده بكل بساطة مش شخص مهتم إنه يعترض على ذكورية الشاب المصري الذكوري الناقص لأن هو نفسه شاب مصري ذكوري ناقص.
ده غير اني لما حكيت القصة دي لناس النهاردة عرفت بقى إنه في قصص أكتر تدل على إنه كل حاجة هو "بيتريق" عليها في الأغنية. للأسف معنديش تفاصيل القصص دي وميهمنيش لأن الموضوع بالنسبالي واضح.
Tameem Younessإنت متحرش. إنت ما بتعرفش تتعامل مع رفض الستات بشكل ناضج. إنت ذكوري. عايز تعمل أغنية تحتفي بحقارتك إنت حر. عايز تعمل تريند وتطلع على برنامج منى الشاذلي، إنت برضه حر. بس مش على قفا قضايا نسوية في ناس وجمعيات بيطلع عينها عشان تزود الوعي عليها وتحسنها. إنت كذاب وإستغلالي.
البوست ده زي ما كلنا عارفين مش هيأثر على حياة تميم بنكلة وهيطلع مع منى الشاذلي عادي. وده ميهمنيش. بس أنا يهمني إنه لو فيه بنت ما تعرفش تميم شخصياً وممكن يتهيألها إنه دماغه نضيفة، تبقى عارفة كويس نوع الحقارة إلي هي بتتعامل معاها لو قررت إنها تعبره يعني.
للتوضيح: أنا متأثرتش اوي بإنه حط ايده عليا، والبوست ده مش عن كده. إلي فعلاً مقرف هو إدعاء الإهتمام بقضية معينة والإعتراض على ذكورية هو بيمارسها.