سالمونيلا

من ويكي الجندر
اذهب إلى: تصفح، ابحث
(2020)
Circle-icons-radio.svg
تأليف تميم يونس
تلحين محمد زهير و محمد الفرا
مؤدية تميم يونس و محمود العسيلي

اللغة غير معيّنة
الدولة مصر



سالمونيلا أغنية من تأليف وأداء تميم يونس من إنتاج يناير 2020، أثارت جدلًا واسعًا على وسائل التواصل الاجتماعي لما بها من محتوى محرض على العنف ضد النساء ومقابلة رفض النساء للرجال بممارسة العنف ضدهن.


كلمات الأغنية

أنا شفتك مرة ف حته في يوم وطلبتي لاتيه

فهروحلك نفس الحتة لحد ما اقابلك فيه

ومش همشي أنا قبل ما آخد رقمك ف ماتكسفنيش

وإن قولتلي لا يلعن ابو شكلك بكره يقابلك حد يقولك

لا تلق طعامتك تيجي ف كرامتك تبقى

ويجيلك سالمونيلا

وتصحي فشله وتجري ورايا ماتلحقنيش

عشان تبقي تقولي لا.. عشان تبقي تقولي لا

لو قولتيلي حاجة غير لا

ده انا اجيبلك شبكة وشقة دورين حمام بتكييف

واعملك بيتزا ف بيتنا بجبنة تشد بعيد

بتمنى اقوم من النوم جمبك ع قد ما اعيش

وعسيلي يغني ف فرحنا والكل يهيص

اه يا عيني يا ليل يا عيني وطلبتي لاتيه

ليه تقولي لا يا بيبي تقولي لا ليه

اه يا عيني يا ليل يا عيني وطلبتي لاتيه

ليه تقولي لا يا بيبي تقولي لا ليه

وارسمك كده في الخباثة ما انا اصلا فنون جميلة

واشتركلنا مع صحابي اللي في نادي الجزيرة

يمكن اضايقك علشان اصالحك بس واروح واجبلك ورد

قبل ما نبتدي خدي جاكيتتي عشان السينما برد

بس لو هتقولي لا

البيتزا.. هقطعها.. هحدفها.. علي عسيلي

بيتزايتي.. وانتي مالك

وبكعبل خدي بالك والجاكيته

ههربدها والرسمه هفرتكها

ارفضيني بقرارك انا عادي كده كده

بس هجري اقول لكل شاب انك بنت مسكبه

بلا فرح بلا شقة عشان تبقي تقولي لا

هوبا عادي نسيتك فجأه

عنيكي طلعت لينسيز زرقة

معايا شنجن وانتي لا

عشان تبقي تقولي لا.. عشان تبقي تقولي لا

ردود الفعل حول الأغنية

نشرت رسامة الكوميك دينا محمد يحيى كوميك "أقوال مأثورة لأولاد الكلب: آه أنا سي السيد؛ تستاهل عشان لبسها؛ هي إيه اللي وداها هناك؛ أختاه أحذري؛ عشان تبقي تقولي لأ"

كوميك عشان تبقي تقولي لأ لدينا محمد يحيى

تمت مناقشة الأغنية في اجتماع بمدى مصر حيث أشارت لينا عطالله إلي غياب المبالغة التي تتسم بيها الكوميديا مما ساعد في تلقي الأغنية كعمل مؤيد للعنف ضد المرأة. يرى أسامة يوسف أن فشل نكتة يونس يقع على عاتقه وأن هذا الفشل يفتح المجال لمناقشة 'صناعة النكت' ولكن ينبغي تجنب الصوابية السياسية. قال أحمد وائل أنه يرى المشكلة في غياب أي تمثيل للمرأة، فهي مخاطب مستبعد وما يفعله تميم يونس هو تطبيع المنطق الذكوري الذي يقابل رفض المرأة بممارسة العنف ضدها.[1]

كتبت غدير أحمد " تميم يونس.. و النكتة الغبية" وأشارت إلى أن يونس لم يبذل أي جهد في فهم سياق 'النكتة' من وقائع تحرش وعنف ضد المرأة، لذلك هي 'نكتة غبية وكسولة' وتجعل رفض المرأة موضع سخرية وتسفيه. [2]

يرى تامر موافي أن الغضب الذي أثارته الأغنية هو أمر طبيعي ومبرر ولا يحتوي على أي مبالغة لأنها تفتقر الحساسية الإجتماعية، ويؤكد أن معاملة هذا النوع من الرجال كأنهم مجرد أشخاص شديدة التفاهة والسخافة يقلل من المعاناة التي يتسببون بها. [3]

طالب المجلس القومي للمرأة إدارة موقع جوجل بوقف بث الأغنية لكونها تسيئ للمرأة وتدعو للعنف والتنمر. ويقول المجلس أن الأغنية تخالف ميثاق الشرف الإعلامى ومدونة السلوك المهنى لعام 2017. [4]

ترفض ياسمين زهدي وصف يونس للأغنية بأنها نقد ساخر لأنه لم يحدد موقعه من القضية ولم يهتم بعرض وجهة نظر نسائية، ولم يقدم سوى محاكاة لتصرفات ذكورية مؤذية دون الاشتباك معها. وأشارت إلى تاريخ محمود العسيلي من الأغاني المسيئة للمرأة. [5]

[6]

اتهام تميم يونس بالتحرش

[7] [8]

نشر أغنية سندريلا

طالعوا كذلك

مراجع

مصادر