نقاش مشروع:سياسة عنونة الصفحات

بدأنا تطبيق سياسة العنونة الجديدة لصفحات القضايا، وحاليًا العناوين الرئيسية للصفحات ليها صياغة موحدة: وصف القضية | في الدولة | في السنة. والأسامي الإعلامية للقضية بتكون صفحة تحويل.

احنا كدا شايفين إنه أفضل، بس العناوين في التصنيف بقيت طويلة قوي.

إيه رأيك يا @أحمد؟

رأيي أنه معقول، لكن يُستحسن يكون بلا اسم الدولة، من ناحية للتقصير زي ما لاحظت، و من ناحية لأنها معلومة مش مهمة في العنوان. من غير المرجّح وجود قضيتين بنفس التفاصيل محتاجين بيان الدولة للتمييز.

و مش متأكد من ضرورة وجود السنة. أنتم شايفينه مطلوب؟ وجوده مش هيزيد الطول كثير، لكن إحساسي أنه مش ضروري.

فكرة صفحات التحويل من العناوين الإعلامية مفيدة جدا.

الفكرة إن عناوين القضايا في الأغلب مش بتكون مميزة، فبنحاول نميّزها على قد ما نقدر من خلال إن إحنا بنضيف سياق البلد والسنة في العنوان (كنا كمان بنضيف الشهر زمان، بس قلنا مفيش داعي عشان التطويل دا)

التمييز في العنوان مفيد في إيه؟ أقصد هو تمييز عن إيه؟ أو بيسهّل ازاي أن المحرريت يفتكروا نصّ عنوان المقالة عند اللزوم؟

تمييز القضايا عن بعضها.. كل قضية بتكون مميزة عن التانية. فبحاول في العنوان اعكس الاختلاف دا عشان لو محررة أو قارئة بتدور على قضية معينة تعرف توصلها.

لكن البحث في الويكي ينظر في المحتوى كلّه، مش العنوان فقط.

بقالنا فترة بنحكي عن أفضل طريقة لعنونة صفحات الحملات والقضايا؛ رجعت فتحت الحديث مع أحمد ودا اللي قولناه (شاركونا رأيكم):

آية: بخصوص فهرسين الحملات والحوادث؛ أكتر من مرة المجموعات اتناقشت هل تضيف كلمة "حادثة" أو "حملة" قبل عنوان الصفحة وكان فيه رأيين:

• مانضفش حادثة أو حملة قبل العنوان علشان دا هيسهل تبويب التصنيف
• نضيفها عشان مش بيكون مفهوم لما العنوان يبقى "هي مدافعة" بدل "حملة هي مدافعة"

واتفقنا إننا هنكتب حملة أو حادثة في بداية العنوان بشكل مبدأي.

شوفنا إنك بتنقل العناوين وبتحذف كلمة حادثة أو قضية.. فممكن تحكيلنا أكتر

---

أحمد: ماكنتش عارف أنكم اتفقتم. آسف. لكن رأيي مانحطش "حملة"، زي ما مش بنحط "كتاب" و لا "فلم"، فعنوان زي "رد قلبي" هيكون مش مفهوم لحدما نقرا الصفحة. آنا فاكر أنكم كنتم سألتوني زمان فافتكرت أننا متفقين.

نقطة كمان أن كلمة "حادثة" مش دالة قوي كمان. هي لغويا صح، حدثت فهي حادثة، لكن العرف استعمال "واقعة" في السياق دا، بينما حادثة بتكون للحدث القهري الخارج عن إرادة البشر، مش التحرش و لا الاعتداء، و أكيد مش الاعتقال و حملات التشويه مثلا. أنا باستعمل واقعة في نظام تسجيل الوقائع الجديد، زي مايمكن تكونوا لاحظتمن.

و "حملة" زي "حادثة" .. ودا متسق مع أننا مش بنسمي الصفحة "مدونة كذا" و لا "موقع كيت"، إلا إذا كان جزء فعلي من عنوانها، و زيهم "مؤسسة"

أنا تقريبا موافقة مع أحمد، خاصة أن ما فيش كلمة واحدة متفق عليها نستعملها وفي فعلا اختلاف بالمعنى بين "حادثة" أو "واقعة" أو "قضية". ولازم كمان نفكر شوي، يللي جايي يعمل بحث على قضية من هذا النوع هل رح يستعمل اسمها مباشرة او رح يحط كلمة قضية/ حادثة قبلها؟